Innuttaasut amerlassusissaasa missingersorneqarnerat

Innuttaasut qanoq amerlatiginissaannik naatsorsuinermi innuttaasut siunissami qanoq amerlatiginissaat katitigaanissaallu missingersorneqartarput. Pingaartuuvoq erseqqissassallugu innuttaasut qanoq amerlatiginissaannik naatsorsuineq siunissami qanoq ineriartornissaannik naatsorsuinerunngimmat, kisiannili innuttaasut siunissami inunngortussat toqusussat, Kalaallit Nunaannit kiisalu Kalaallit Nunaannut nutsertussanik nalunaarsuinerulluni. Tunngavigisat taakku eqquutinngippata ineriartorneq piviusoq naatsorsuutinit nikissimassaaq.

 

Siunissami kinguaassiornissap toqusartullu amerlassusissaat 2015-imi naatsorsuutigineqartut 2010-miit 2014-imut misissuinerni ilisimalikkanik tunngaveqassapput, nuttarnernullu naatsorsuutit sivisunerusumik naatsorsuinernut tunngaveqassallutik. Naatsorsuutit iliuutsillu pimoorussat nittartakkami uani takuneqarsinnaapput: www.stat.gl/BED201402/o2 

 

Takussutissiaq 9.1. 2016-imit 2024-mut innuttaasut missingersorneqarnerat

 

2016

2017

2018

2019

2020

2021

2022

2023

2024

Innuttaasut tamarmik

          55.857

          55.744

          55.615

          55.480

          55.344

          55.193

          55.040

          54.877

          54.721

Kalaallit Nunaanni inuusimasut

          49.834

          49.690

          49.546

          49.390

          49.229

          49.072

          48.900

          48.726

          48.533

Kalaallit Nunaata avataani inuusimasut

            6.023

            6.054

            6.069

            6.090

            6.115

            6.121

            6.140

            6.151

            6.188

Najoqqutaq: Naatsorsueqqissaartarfik, http://bank.stat.gl/BENP2012

 

Takussutissiami 9.1-imi aammalu tabelimi 5-imi innuttaasut amerliartornerannut missingiinerup naammassinera takutinneqarpoq, sumi inunngorsimanermut immikkoortillugit. Takuneqarsinnaavortaaq inuit ataatsimoortut pineqartut amerlassusaat tamarmik immikkut ittumik ineriartornerat. Inuit Kalaallit Nunaanni inunngortut annikitsumik ikiliartussapput 49.975-iniit 2014-imi 2024-mi 48.533-nut. Inuit Kalaallit Nunaata avataani inunngortut amerlilaarnissaat ilimagineqarpoq, 2015-imi 6.009-niit 2024-imi 6.188-inut. Innuttaasut missingersorneqarnerat malillugu ukiuni qulini tulliuttuni inuit amerlassusaat allanngorpallaassanngitsoq ilimanarpoq.